Mev. Hanneke Strydom

Mev. Hanneke Strydom, Afrikaans-onderwyseres aan HS Overberg is met ingang 1 Oktober 2017 aangestel as adjunkhoof. Mev. Strydom het in Januarie 2011 vanaf HS Frans du Toit in Phalaborwa, waar sy ‘n Departementshoof was, by Ovies aangesluit.

Sy is by ‘n wye spektrum buitemuurs betrokke: Eerste netbalspan-afrigter; Altior-redaksie; Koesterklanke – hoofproduksie-koördineerder (2017); Fondsinsameling-koördineerder, en so gaan haar lys van daaglikse take voort. Sy is vanaf September vanjaar ook mede-verantwoordlikhede vir die nuwe leerderraad.

Met haar sonnige geaardheid en positiewe lewensuitkyk, liefde vir die kinders en die onderwys kán Ovies net nóg beter presteer. Mev. Strydom is ‘n waardige opvolger vir mnr. Bester wat 39 jaar verbonde was aan Hoërskool Overberg!