Die Suid-Boland atletiekbyeenkoms is hierdie jaar deur die HS Grabouw aangebied.
In ‘n absolute versengende hitte het 44 Ovies deelgeneem om te kwalifiseer vir die Boland Kampioenskappe wat 21-22 Februarie in die Paarl sal plaasvind.
Daar was uitsonderlike goeie uitslae en verskeie atlete het hul persoonlike beste tye en afstande verbeter. Onder die top 10-atlete van die byeenkoms was Jordyn Wynne-Vaaltyn, seuns O/15 met ‘n uitstekende tyd in die 100m hekkies van 14,00. Maré Louw was weer op dreef by die gewigstoot en breek die dogters O/14 rekord met ‘n goeie afstand van 10,52m. Sy word ook aangewys as een van die Top 10-dogtersatelete.
Van die 44 atlete het 17 atlete gekwalifiseer en maak dus deel uit van die Suid-Boland atletiekspan. HS Overberg is vreeslik trots op hierdie atlete en weet hulle gaan hulle skool se naam hoog hou by die Bolandbyeenkoms.
